Паско Олег Ростиславович

Паско Олег Ростиславович
Номинациясы: Жұмыс істейтін жастардың үздік тәлімгері

Олег Ростиславович Паско өз еңбек қызметін 1977 жылы қалалық байланыс торабында жөндеуші болып бастады. 1984 жылы Олег Ростиславович Павлодар индустриалды институтын «Өнеркәсіптік кәсіпорындарды және қалаларды энергиямен жабдықтау» мамандығы бойынша аяқтады және «инженер-электрші» мамандығын ала отырып 1994 жылы «Богатырь» кенішіне жұмысқа тұрады, ол жерде осы уақытқа дейін 7-разрядты электржабдықты жөндеу және қызмет көрсету бойынша электрслесарь болып еңбек атқаруда.  Мамандығы бойынша жұмыс өтілі 20 жыл.
О.Р. Паско жұмысқа жанкешті берілген және әрбір жеке үдерісті, әрбір тетікті мұқият зерттеу қабілетімен ерекшеленеді, қажет болған жағдайда орындалатын жұмыстың қауіпсіздігін және соңғы нәтиженің сапасын көтеретін ерекше шешімдерді қабылдай алады. 
Кәсіпорынның тау-кен жабдықтарының тұрақты жұмысы энергиямен жабдықтау учаскесінің қызметкерлер құрамының жұмысты реттеулеріне және дұрыс орындауларына байланысты. Жабдықтарды жөндеу және қызмет көрсету бойынша электрслесардың кәсіби құзыреттілігі жоғары деңгейде болуы қажет. Олег Ростиславовичтің білімі, дағдылары мен машықтығы осы талаптарға сай, сонымен қатар ол кәсіптің егжей-тегжейін зерттей келе өзінің кәсіби деңгейін көтеруді жалғастырып отырады, ал өзінің баға жетпес тәжірибесі мен білімін жас ұрпақтарға ықыласпен береді. Олег Пасконың жоғары кәсіпқойлығы ұжымы арасында құрметке ие және жас мамандарды жұмысшы кәсібіне құрмет көрсетуге дағдыландырады. 
Олег Ростиславович Пасконың өндірістік көрсеткіштері, бастамашылдығы, қажырлы күші мен адал ниеті кәсіпорын басшылығымен жоғары бағаланды:
О.Р.Паско жоғары кәсіпқойлығы мен өндірісті дамытуға және жұмысшы кәсібін насихаттауға қосқан жеке үлесі үшін:
- 3-дәрежелі «Шахтер даңқы» белгісімен (1996 ж.), 2-дәрежелі «Шахтер даңқы» белгісімен (2000 ж.); 1-дәрежелі «Шахтер даңқы» белгісімен (2009 ж.) марапатталды.
- «Көмір өнеркәсібінің құрметті жұмыскері» атағы берілді (2015 ж.);
- «Үздік тәлімгер» (2010 ж., 2012 ж., 2015 ж.), «Жұмысшы кәсібін үздік насихаттау» (2017 ж.) номинациялары бойынша құрмет грамота мен ақшалай сыйақы берілді.